دکوکائينو د استعمال کوونکي دسا ايستلو پروسه له نورمال حالت نه وځي او دزړه ضربان يې زياتيږي او ددې په څنګ کې د وجود دتودوخې درجه لوړيږي او هغه هم داسې، چې که دعلاج لپاره په هڅولاس پورې نه شي نو ښايي داستعمال کوونکي ژوند دمرګ سره مخامخ شي .
دوجود دتودوخې ددرجې دلوړتيا په وخت کې هغه ميکانزم ،چې دوجود دغړو دساتنې او څارنې دنده په وجود کې ور په غاړه ده، دخپلې دندې په وجه په زيات فعاليت لاس پورې کوي ترڅو دوخه بيرته نورمال حالت ته راټيټه کړي خو وبه نه توانيږي او په دې ډول به دلوړې تودوخې په وجه دوجود اوبه مخ په وچيدو شي او په پاى کې به دوجود غړي يو په بل پسې له فعاليت نه ولويږي .
په هره اندازه، چې دکوکائنو دکارونې کچه لوړه او او اوچته شي په هماغه کچه دبدن زيات اورګانونه په کم وخت کې زيانمنوي او په پاى کې يې که کارونه جارى پاتي شي استعمال کوونکي له مينځه وړي .
کوکائين که دپزې له لارې استعمال شي له څو مياشتو نه وروسته دپزې دننه پوستکى زيانمنوي او هغه هم داسې چې دوينې دجارى کيدو سبب او په پاى کې د (شامې) داحساس دله منځه تلو سبب ګرځى .
ميرمن پاتريسيا مولينا او دهغې څيړونکى ډله چې مخکې مو له هغې نه يادونه وکړه دخپلو څيړنو په يوه پړاوو کې دى نتيجې ته رسيدلى دى چې دکوکائينو زيات او پرله پسې کارونه په اوږده موده کې ددې سـبب ګرځي، چې دوينو په سپينو کروياتو کې ځينې بدلونونه رامنځ ته شي او په نتيجه کې يې دالبومينو او ګلوبينو کچه چې په واقعيت دبدن دپوستکي ساتونکى دى دهغه زهرجنو موادو داغيزو په وړاندې د، چې غواړي پوستکي ته زيان ورسوي ټيټيږي او هسې يو بدلون دې ته لار جوړوي چې په ځيګر کې دزهر جنو موادو په وړاندې د دريدنې توان له لاسه ورکوي او په دې ډول دانسان د ټول وجود لابراتوار دتجزيې او تصفيې توان له منځه ځي ،چې په دې وجه به د ځيګر په څنګ دنورو اورګانونو فعاليت هم په ټپه ودريږي او انسان به دمرګ لمنې ته ورغوزوي .
همدارنګه کله چې دوينو جوړونکى عناصر دکوکائينو دکارونې په وجه خپل څرنګوالى له لاسه ورکړي نو سمدلاسه دوجود دمدافعي دسيستم تر بريد لاندې راځي ځکه چې نوموړې هسې يو بدلون په څرنګوالى کې نه پيژني او نه يې زغمي او لکه چې دنورو ويرسونو سره مبارزه دوجود دساتنې په غرض کوي دنوموړې بدلون سره هم په مبارزه لاس پورې کوي دهسې يوې مدافعې په اوږدو کې (دکوکائينو دلاکارونې په وجه ) دمدافعې سيستم دمدافعې توان له لاسه ورکوي او په ټولو اورګانو کې په اصطلاح هسې يوې جګړې په پاى کې ړنګې او ورانې پاتې کيږي چې دځينو دبيا ودانۍ او يا جوړونې امکان به هډو عملي هم نه وي .