الحمدلله رب العالمين والصلوة والسلام على رسوله اشرف المرسلين محمدرسول الله ( صلى الله عليه وسلم ) اجمعين.

اما بعد : قال الله فى القرآن العظيم  اعوذبالله من الشيطن الرجيم.

﴿يَسْتَخْفُونَ مِنَ النَّاسِ وَلاَ يَسْتَخْفُونَ مِنَ اللَّهِ وَهُوَ مَعَهُمْ اِذْ يُبَيِّتُونَ مَا لاَ يَرْضٰى مِنَ الْقَوْلِ وَكَانَ اللَّهُ بِمَا يَعْمَلُونَ مُحِيطًا(108)﴾ النسآء    صدق الله

د رسول الله (ص ) د کړنلاري په تعقيب

السلام عليکم ورحمت الله و برکاته

د هغه پاک نظرڅخه  چې زموږ په ټاکنه کښې د دې لوى مسؤليت په قبلولو راته  لورول شويدى د مننې اظهارکوم که څه هم موږ د دې جوګه نه يو د خدمتونو پېټى په خپلو اوږو بار کړو خو هيڅ داسې کار هم نشته چې د انسان په تکل سره ناشونى شي د خبرو او عمل په ډګر کښې بې حسابه  واټن دى خو دا واټن د پاک نيت او کلکې ارادې په نيولو سره نژدې کېداى شي څومره چې د خدمت نيت ژوندى  ساتل کېږي په هومره کچه د عزت ژوند ساتل کېږي.

علمي، ادبي، کلتوري، سېاسي، فلسفي، تاريخي او ټولنيز مقررات  د خپل وخت او ټاکلي معيار ځاى په درلودلو هر انسان ته د ذهني سنجش تطبيقي معېار ټاکلى دى څو د غلط فهميو ښکار ونه ګرځي ځکه علمي شخصيتونه د خپل مسؤليت په نظر کښې نيولو سره د منزه عقايدو په خوا کښې د ودرېدلو ځاى خالي نه پرېږدي او د هغه تکل هرکلى کوي کوم چې د اصلاح او کامېابۍ نقطې ته قدم وي.

د ساپي پښتو ټولنې مشرتابه د خپل پاک نيت په درلودلو د علمي دنيا لوري ته خوځښت خپله دنده وګرځول او په عمل کښې يې دا ثابته کړه چې خدمت په مقابل د مزد کښې نه شي څرګندېدلاى او د رديف ځاى هم نه لري له بده مرغه په دې پاک نيت کښې د همدردۍ ږغ او ملګرتوب يوځاى نه شو او نه هم د اهل خبره ېا اهل ثرمايه له لوري ورسره امداد وشو کوم بحر د نظر چې د علمي دنېا په لوري د حرکت خوځښت درلودى په خپل ځاى کښې رکود وساتل شو او د پوره امکاناتو په درلودلو سره بېا هم منحصر پاتي شو، اکتفاء په دې وشوه چې لاس غځولى پاتي شي او د چوکۍ ناسته د قدرت او نوم په ساتلو کښې وساتل شي، د علمي شخصيتونو څخه د مجلې، وېبپاڼې او نشراتو په هکله د نظر غوښتلو وړانديز انحصار شي او د کميت په ځاى يې د کيفيت لوري ته توجه معطوفه شي چې ځان ځاني او خود پرستي يې لومړنى قدم دى.

د عمل په ميدان کښې د خبرو او اقتصادي مجبوريو کاروان، د علمي کدرونو او پرسونل په ساحه کښې د روزني، خدماتو او نقش په درلودلو مقاطعه، د ځوانانو د تشويق او ترغيب د پاره د ټولنو په جوړولو کښې  بې احساسه وجود، د راتلونکي نسل د روزنې د پاره د اساسي برنامو نيستي، په رقابتي اقتصادي چارو کښې د کتابونو د چاپ کولو واکمنۍ ته اهميت نه ورکول، د تجارانو، انجو او خيريه مؤسساتو جلب کولو ته  هڅونې په حقارت سره ليدل، د ژوندي او محرک مديريت  روښانه دريز نابودي  ټوله د دې سبب وګرځېدل چې د دې پاک دفتر هلې ځلې په يوه کړۍ کښې وساتلي شي او د شين شوي زرغون باغ څخه يې د مني خزان ته  سوق او اداره کړي.

په يو ګل نه پسرلى کېږي او د يوه لاسه پړق نه خېژي. راشئ د خپلو خبرو په ځاى د عمل ميدان جوړ کړو، مټې راونغاړو، په خپل نس د ډبرو پټکى وتړو، هر څه د يو بل تر قدمونو لاندې قربان کړو، د قدرت تږي د علمي برنامو په درشل کښې سېراب کړو او کومې ناخوالې چې نن ورسره لاس په ګرېوان يو د بې علمۍ او ناپوهۍ نتيجه وګڼو هله به  د غلامۍ او بدبختۍ څخه را ووزو.

زموږ په پلرني وطن کښې د بنسټيزه خدمتونو وجود د محدودو فعاليتونو له انګړ نه په انفرادي توګه د ګوتو په شمار سره ليدل کېږي راشئ د اتحاد په کړۍ کښې د الماسو ترکيب واخلو او پښتني ټولنه په پښتني عقايدو او پښتني دود سره مزينه  کړو.

پـه نغري د پـښـتـنـو مـجلس تازه کړه

که غماز ته په ژوندونى مرګى غواړې

و من الله توفيق